صلاتي جنتي

موضوع مهم جدا لان لاحظته الايام اللي فاتت )

أن بنوته قلبها ابيض وجميل تيجي وهي بتعيط وتكلم معايا وتقولي انها مش بتصلي خالص ,,وهي مخنوقه من نفسها بسبب كده ومش راضيه عن انها تبقا كده

اولا دي خطوه كويسه انك ندمانه عن الصلاه دلوقت اكيد كلنا وصلنا لسن البلوغ

يعني بنتحاسب على كل شئ وإن الله غفورا رحيم

يعني نراجع حسابتنا من تاني

اول شئ هنسأل عنه الصلاه كأنك كده داخل امتحان وعارف ان السؤال ده اجباري

اهو الصلاه يوم القيامه سؤال اجباري

كتير مننا بيكون سبب انشغاله عن النت او حاجه بيعملها فأيده يقولك شويه وهقوم طيب كمان ساعه وإلي الاخر لحد ما يلاقي الوقت التاني جه

الصلاه حاجه حلوه اوي تخيل بس ان واقف بين ايد ربك حبيبك وبكلمه وكل ما تقول ايه في سورة الفاتحه بيرود عليك

تقول الحمدلله رب العالمين

سبحانه وتعالى يقول حمدني عبدي

ياه يعني بكون واقف كده قدام ربي حبيبي

ربنا حبيبنا بينادي علينا 5مرات في اليوم 5مرات بس بثواب50صلاه

يعني كنا هنصلي فرض50صلاه واتخفف عننا لان ربك كريم

فمبالك هما5صلوات بس وبنكسل ومش بنقدر نصليهم

حط في دماغك لما تسمع الاذان ان ربنا بينادي عليا حي على الصلاه حي على الصلاه

يبقا ااقوم ابدا اتوضى واصلى واستعيذ واستغفر كتير

متقولش انا بقالي كذا سنه مش بصلي هاجي اصلي دلوقت

ايوه قوم صلي عشان ربنا يغفرلك اللي فات

ربك غفور رحيم بس علق قلبك بيه

متصليش يوم ولا يومين وتكسلي لما تلاقي نفسك كده عقابي نفسك بحرمان حاجه بتحبيها او تصدقي بشئ لله ان الحسنات يذهبن السيئات

اوعي تفضلي كده هتقدري تتغيري وهتصلي وان شاء الله بعد كده هنتكلم عن وصف صلاة النبى صل الله عليه وسلم ونحاول نصلي زيه حبيبنا قدوه لينا ^^

عايزين نتفق على فكره حلوه نعملها ونصور الورق ده اخر الشهر ونبدأها من دلوقت ^^

واللي ورقته اغلبها شجر اخضر ومنور ليه هديه عندي )

طيب ايه الورق والشجره

هتجيبي ورقه وترسمي شجره والشجره دي طلع منها الورق بتاعها تعملي ورق كتير اوي على عدد صلوات الشهر كله وممكن تزودي ثمرة زي تفاحه بس مش لازم يعني

المهم انك لما تصلي الصلاه في وقتها تلوني الورقه باللون الاخضر واللي مش في وقتها بالاصفر واللي فاتت منك بالاسود

عشان تشوفي شجرتك اخر الشهر شجره خضرا وحلوه ولا دبلانه ولا محروقه ^^

اللي هينفذ الفكره دي يقولي خاص وممكن اصورلكم ورقه مطبوعه عندي )

والله الفكره دي مٌعلمتي ربنا يباركلي فيها قالتهالي وانا في ابتدائي وهي اللي شجعتني عن الصلاه لحد دلوقت وي سلام لو اتنافست مع حد وتشوف شجرة مين احلى ^^


يمكن الكلام متلخبط شويه بس يارب اكون قدرت اوصل حاجه

حرف نال وميض الجمال ..
شكراً مغموسه حد الإشباع بالطهر والجمال لكلك ..
دمت بنقاء ..
؛؛
أرق تحيه ..